Украиналъул политик ва «УДАР» партиялъул лидер Виталий Кличкоца инкар гьабун буго улкаялъул президентасул хъулухъалъе гIоло кьеркьезе. Гьесда лъикIаблъун бихьулеб буго киналго демократиял къуватазул рахъалдасан гьеб хъулухъалде кандидатлъун ТIадегIанаб Радаялъул депутат ва миллиардер Петр Порошенко вихьизави. Гьес гьедин лъазабуна шамат къоялда Киевалда тIобитIараб «УДАР» партиялъул съездалда. Кличкоца гьединго абуна жинда ракIалда бугин Киевалъул мэрасул хъулухъалъе гIоло рищиязда гIахьаллъизейин.
Гьебго заманаялда "Батькивщина" партиялъул съездалда президентасул хъулухъалде кандидатлъун йихьизаюн йиго экс-премьер Юлия Тимошенко. Гьелъул кандидатураялъул рахъ ккун гьаркьал кьун руго киналго 482 делегатас.
Укриналда президентасул иргадулал гурел рищиял тIоритIизе руго 25 маялда. «Украинская правдаялъ» лъазабухъе, рищиязул централияб Комиссиялде гьанжеялде документал кьун руго 15 чияс. Гьезул щугоясе гьабун буго кандидатал хIисабалда регистрация.
Гьебго заманаялда "Батькивщина" партиялъул съездалда президентасул хъулухъалде кандидатлъун йихьизаюн йиго экс-премьер Юлия Тимошенко. Гьелъул кандидатураялъул рахъ ккун гьаркьал кьун руго киналго 482 делегатас.
Укриналда президентасул иргадулал гурел рищиял тIоритIизе руго 25 маялда. «Украинская правдаялъ» лъазабухъе, рищиязул централияб Комиссиялде гьанжеялде документал кьун руго 15 чияс. Гьезул щугоясе гьабун буго кандидатал хIисабалда регистрация.