Россия жибго жиндаго хутIулеб бугин абуна Америкаялъул президент Барак Обамаца арбагI къоялда Брюсселалда Евроцолъиялъул штаб-квартираялда. Евроцолъиялъул президент Гьерман ван Ромпейгун ва Еврокомиссиялъул бетIер Жозе Мануэль Баррозугун кьураб брифинагалда Обамаца кIвар буссинабулеб букIана Россиялъ Крымалда гьабуралда хадуб Европаялъулги Америкаялъулги бухьенал дагьалги щулалъун рукIиналде. Россиялъ гьединабго политика хадубги билъанхъизабуни, гьелъул экономикаги санкциял гьечIого хутIизе гьечIин абуна Америкаялъул президентас.