МагъчIваялъе рес

Маппетаз бихьизабулеб буго Крым "бикъараб" куц


Константин, Пигги ва Кермит рачlун руго жидер шоуялъул премьераялде. Голливуд, Калифорния, март 2014

Гьал къоязда Дисней компаниялъ къватIибе биччана иргадулаб «Маппет-шоу». Гьелда лъун буго «Бищун валагьулев» абулеб цIар ва кьолел руго жакъа дунялалда кколеб бугелъулгун ва дунялалъул лидералгун гIаммал сипатал.

Европаялда балъго жиндирго хIалтIи гьабизе гьесие квал-квал гьабулеб буго гьесул кIибикьараб мацIалъ. Жиндирго тушбабахъ гьев валагьула жиндирго гIисинал бераз тIаса-гъоркье ва гьеб мехалда гьесул гьурмада букIана тIад велъиялъул гьими. Гьев вуго рагъулаб спорталъул тайпабазул эксперт ва гьесие бокьула тIад гурде ретIичIого черх бихьизабизе. Лъай-хъвай гьабе къверкъ Константингун. Гьев вуго «Бищун валагьулев такъсирчи» ва Дисней компаниялъул цIияб «Бищун валагьулев» абулеб Маппет-шоуялъул герой.

Гьал къоязда гьеб шоуялъул дунялалъул премьераялъухъ балагьаразда бигьаго бихьула гьениб кколеб бугелъулги дунялалда кколеб бугелъулги г1аммаб жо ва гьединго ратIа гьаризе кIола гьенир кьолел ругел дунялалъул лидеразул сипатал.
Гьениб бицунеб хурхинабун буго Украиналъул бащдаб-чIинкIиллъиялде Россия лъугьиналда ва гьенир кьолел руго Машрикъалда хурхун Магърибалъул стереотипал. Гьебго заманаялда гьелъул авторазда кколеб буго Москваялда гьеб шоуялъ гIемерго релъизаризе гьечIин.

Аслияв герой Константинил анищ буго дунялалда бищунго кIудияв такъсирчи абун тарихалда хутIизе. Амма туснахъалда гьесул бакIалда тIамула Кермит абулеб цоги къверкъ.
Ингилис мацI бицунаго гIурус акцент бахчизе гьес бахъулеб хIаракаталъ ракIалде щвезабулеб буго Россиялъул президент Владимир Путиница ингилис мацI бицине бахъулеб хIаракат.

ХIакъикъиял лъугьа-бахъиназда ва гIадамазда жидер персонажал ва гьез гьабулеб релъинабизе автораз гьезие сипаталги кьун руго.
Масала героязул цояв Доминик релъинавун вуго Россиялъул премьер-министр Дмитрий Медведевасда. Гьев цевегоялдаса вихьулев вуго Путинил асаралда гъоркь вугевлъун.

Константин: «Дир тарихалда бищунго кIудияв цIогьор абун цIар хутIизелъун гIуцIараб план ахиралде щолеб буго».
Доминик: «Нилъер цIаралин абизе бокьун букIун батула дуе». «Гурищ?»
Константин: «Узухъда дир цIар!- хадуб...дургиха».

Гьеб мультфильмалда йигей чIужугIадан Пиггил сипат релъинабун буго крымалъул кризисалдаса хадуб Россиялъулгун гьоркьорлъабазда хурхун позиция кьваризабураб Алманиялъул канцлер Ангела Меркелида.

Маппет-шоуялда гьединго дандекколеб буго Крымалда ругел гIурусал хвасар гьарулев вугин живан Путиница абулеб Константиница: «Гьанже, гIолохъаби, нуж бокьараб гьабизе эркенал руго»,-ян абулебгун.
Амма мультфильмалда бищун захIматабин абулеб сипат кьун буго Кермитие. Гьеб бихьизабулеб буго Константин чIезабизе кIолеб цого-цо къуватлъун. Щиб гьеб къуват кколеб-Америкайищ яги цоги къуватищали гьениб баян гьабулеб гьечIо.
XS
SM
MD
LG