МагъчIваялъе рес

Вышеградалъул къукъаялъ Америкаялда газ гьарулеб буго


Централияб Европаялдаса ункъго улкаялъ Америкаялда гьарулеб буго Европаялде гьабулеб тIабигIияб газалъул экспорт цIикIкIинабейин, гьебги Россиялъ Украиналде бичIчIалеб газ дагьлъизабиялда хIинкъи букIаго. Аммаян лъазабулеб буго Associated Pressалъ, ХъахIаб Рукъалъ рикIкIунеб бугин гьеб ишалъе лъагIелгIан заман хIажалъизе бугин.
Вышеградалъул къукъа абун лъалел Венгриялъул, Польшаялъул, Словакиялъул ва Чехиялъул вакилзабаз гьединаб гьаригун кагъат битIун буго Америкаялъул Сенаталде.
Украиналъ Россиялъе газалъухъ гьанжеялде кьезе ккола цо миллиардгун 89 миллион доллар.
Америкаялъул сенатораз президент Барак Обама ахIулев вуго гьеб гьари тIубазабун Европаялда ругел жидер рахъ кколел улкабазде Россиялъ газидалъун гьабулеб тIадецIуй дагьлъизабизе.
XS
SM
MD
LG