Евроцолъиялда гIажаиблъун буго Россия

Россиялъул къватIисел ишазул министрелъиялъ лъазабуна Брюсселалда Евроцолъиялъ гьабураб хIукмуялда жидерго гIажаиблъи. Гьеб хIукмуялда рекъон, Евроцолъиялъ чIезе толел руго Россиягун виза гьечIеб режим чIезабиялда сверун гьарулел рукIарал кIалъа-ралъаял ва абулеб буго Россиялъул тIалъиялде данде санкциял гьаризе ругин Киевалда ругел цIиял нухмалъулелгун гIагарал къоязда ахIвал-хIал рукIалиде бачиналда хурхун кIалъа-ралъаял байбихьичIонийин.
Гьелдаса цебе Цолъарал Миллатазул ГIуцIиялда Россиялъул вакил Виталий Чуркиница абун букIана Москваялъ Украиналъул цIияб нухмалъи малъулеб гьечIин ва гьединлъидал Украинагун политикиял бухьенал чIезе толел ругин.