МагъчIваялъе рес

Украина президентасул рищиязде хIадурлъулеб буго


Россиялъул премьер-министр Дмитрий Медведевас лъазабуна Украиналъул гьанжесеб тIалъи легитимияблъун рикIкIин щакаб ищ бугин.

ТIаса рехарав президент Виктор Янукович ва цогидал пачалихъиял хъулухъчагIи цIех-рехалде лъазарун руго.

Януковичги гьесул администрациялъул бетIер Андрей Клюевги араб бакI лъачIого лъутанин.

Гьадин лъазабуна Украиналъул жанисел ишазул министрасул ихтиярал тIуразарулев Арсен Аваковас жиндирго Фейсбукалда.

Гьес гьединго абулеб буго цересел цо-цо пачалихъиял хъулухъчагIазде гIунтIизабун бугин гIадамал чIваялъул гIайиб.

Украиналъул Рищиязул Централияб Комиссиялъ байбихьулеб буго иргадулал гурел президентасул рищиязде хIадурлъи гьабулеб кампания, ан лъазабуна Украиналъул президентасул ихтиярал тIуразарулев Александр Турчиновас.

ТIоцересел кандидатазул цIарал загьираризе ругин талат къоялъ, ян тIаде жубана гьес.
XS
SM
MD
LG