МагъчIваялъе рес

ЕГЭялъул жидерго вариантал рукIине руго жиб-жиб заманалъул мухъалда


Исана Россиялда жиб-жиб сагIтил мухъалъе хIадур гьаризе руго Цолъизарурал пачалихъиял экзамназул хIалтIабазул жидерго вариантал.

«Коммерсант» газетаялъ хъвахъе, хIукму гьабун буго Лъай кьеялъулгун гIелмияб министерлъиялъул коллегиялда. Гьединаб къагIидаялдайин Владивостокалдаса цIалдохъабазда бажаризе гьечIин Москваялда экзаменал кьолел цIалдахъабазе хIалтIаби интернеталда лъезейин, абулеб буго министерлъиялъул хъулухъчагIаз.

Коллегиялдаго хIукму гьабун буго экзаменалъул хIалтIаби бакIазде фельдъегеразул хъулухъалъул хIалтIухъабаз щвезаризе. Пакетал рагьизе рагIула экзаменалъул байбихьуда цIалдохъабазда цебе. Экзамен унел бакIазда халкквеялъул кIи-кIи видеокамера букIин тIадаблъун бихьизабулеб рагIула.

Араб соналда кIудиял гъалмагъирал рукIана ЕГЭялда хурхун. Экзаменазул цIезарурал хIалтIаби лъун рукIана интернеталда. «Рособрнадзоралъул» бетIер Иван Муравьев хъулухъалдаса нахъе ине ккана.
XS
SM
MD
LG