МагъчIваялъе рес

«Алания» футболалъул клуб къан буго


Владикавказалъул футболияб клубалъул тохаллъи гьабулеб шураялъ хIукму гьабун буго клуб юридикияб идара хIисабалда къазе. Клубалъул нухмалъиялъ бичIчIизабулеб буго «Алания» банкротлъиялъе гIиллалъун кканин командаялъул спонсор-Русгидро компаниялъ- жиндирго тIадеросиял тIуразаричIолъиян.
Русгидроялъ 2012 соналда рагIи кьун букIун буго 2020 соналде щвезегIан Аланиялъе щибаб лъагIалие 40 млн.доллар бичIчIазе, амма гьез гьеб гIарац кьун гьечIо.
Sovsport.ru сайталъул баяназда рекъон, Шималияб Гьириялъул премьер-министр Сергей Такоевас абун буго жидер профессионалияб карьера республикаялда цебетIезабизе бокьарал Аланиялъул рукIарал футболистазе гьединаб рес кьезе бугин кIиабилеб дивизионалда бугеб «Алании-Д» командаялдеги росунин.
Футболалъул клуб "Алания" гIуцIун букIана 1921 соналда. 1995 соналда гьеб бахъун букIана Россиялъул чемпионлъун, 1992 ва 1996 соназда гьеб букIана Россиялда кIиабилеб командалъун.
XS
SM
MD
LG