МагъчIваялъе рес

Афгъанистаналда 8 аскарияв чIвана


Афгъанистаналъул Фарах вилаяталда бугеб Диларам шагьаралда хIукуматалъул рагъулаб автомобиль аскIоса унеб мехалда кьвагьи гьабун, автомобилалда рекIарав анкьго аскарияв чIвана.

Гьадин лъазабуна Афгъанистаналъул улка цIуниялъул министерлъиялъ.

Гьеб гьужумалъул жавабчилъи тIад жеги лъицаниги босичIо.

ГьабсагIат Афгъанистаналда официялияб сапаргун вачIарав Алманиялъул къватIисел ишазул министр Франк-Вальтер Штайнмайерица гьатIан къоялъ рагIи кьуна гьениса къватIисел улкабазул аскариял нахъе рачаралдаса жиндир улкаялъ Кабулалъе гьабулеб кумек халат бахъине бугин абун.

Гьадинаб каламгун гьев вахъана Мазар-и-Шариф шагьаралда чIей гьабулел алманиялъул аскариязда цеве.

Халкъаздагьоркьосеб коалициялъул аскариял Афгъанистаналдаса тIад руссун хадусала гьенив рагъулал инструкторал хIисабалда хутIила алманиялъул 800-гIан рагъулав хъулухъчи.
XS
SM
MD
LG