МагъчIваялъе рес

Украина: экс-президентасул церелъеял


Политикияб кризисалдаса рорчIиялъул жиндирго план загьир гьабуна Украналъул тIоцевесев президент Леонид Кравчукица.

АрбагI къоялда тIобитIараб ТIадегIанаб Радаялъул экстреннияб данделъиялда Кравчукица цебелъей гьабуна Конституция хисизабиялъул комиссия гIуцIиялъул ва оппозициялдаги нухмалъиялдаги гьоркьор диалогалда живго ва кIиабилев президент Леонид Кучма гаранталлъун рукIиналъул.

Экс-президентас гьединго ахIана «Амнистиялъул хIакъалъулъ» къануналъул проект кIиябго рахъалъ гьаркьал кьун къабул гьабиялде. Гьелъ рес кьезе бугин киналго ккурал оппозициялъулал ва оппозициялъулаз ккурал киналго административиял минаби эркен гьаризеян, рикIкIунеб буго гьес.

«ТIолабго дунялалъ ва жибго Украиналъ рикIкIунеб буго пачалихъ гражданияб рагъалъул кIалтIа бугин. Улкаялъул кIиго рахъалдаса нухмалъи гьабулеб бугин абизе бегьула. Протесталъул акцияби руссун руго дандечIеялде.» - ян лъазабуна Кравчукица.

«Коммерсант – Украиналъ» лъазабулеб буго ПАСЕялъул идараялъ Украина ва Россия какулеб ва Киевалда данде санкцияби лъазаризе бегьиялъул хIинкъиял кьолеб резолюция тасдикъ гьабун букIиналъул хIакъалъулъ.
XS
SM
MD
LG