Мисралда шамат къоялда президент Хосни Мубарак рехун лъабго сон тIубараб къоялда бухьинабун батIи-батIиял шагьаразда тIоритIарал демонстрациязда хун вуго 49 чи. Гьединал баянал кьуна гьатIан къоялда улкаялъул сахлъи цIуниялъул министерлъиялъ. Цебе лъазабулеб букIана гьенив хварав 29 чиясул. Ахирисел баяназда рекъон, полициялъулгун рукIарал тунка-гIусиязда лъукъун вуго 250 чи. Мисралъул жанисел ишазул министерлъиялъ лъазабулеб буго ккурав азаргогIан демонстрантасул.