Россиялъул Пачалихъияб Думаялъ къабул гьабун буго экстремизмалда гIайиб букIин чIезабурал чагIазул жавабчилъи цIикIкIинабулеб къануналъул проект. Гьанже гьединал чагIи туснахъалъул тIамизе бихьизабураб максималияб болжал кIиго соналдаса ункъго соналде щвезегIан цIикIкIинабун буго. Гьединго гьаб анкьалда Россиялъул тIалъиялъ тIибитIизабуна «чIегIерал къоролал» абулел ункъго чIужугIаданалда хурхун информацияги. Сочиялда Олимпиадаялъул заманаялда терактал гьаризе рукIиналъул щаклъи бугин гьездайин лъазабулеб буго. Россиялъул премьер-министр Дмитрий Медведевас CNNалъе абуна Олимпиадаялда хIинкъигьечIолъи чIезаби гьеб проблема бугин, амма цоги Олимпиадаязда букIунелдаса гьеб кIудияб гьечIин.