МагъчIваялъе рес

Украиналъул хIаракатчагIи – Радаялде данде


Украиналъул инсанасул ихтиярал цIунулез какана хамиз къоялъ тIадегIанаб Радаялъ къабул гьарурал къанунал. Загьирабураб лъазабиялда гьез абулеб буго Украиналъул парламенталъ гражданияб жамгIияталде данде унго унгояб рагъ багъаризабунин.

Гьеб лъазабиялда гъоркь гъулбасал лъуна Украиналъул Хельсинкиялъул къукъаялъул бетIер Микола Козыревас, гьеб къукъаялъул ишал тIуразарулев директор Аркадий Бушченкоца ва Харьков шагьаралъул инсанасул ихтиярал цIунулеб гIуцIиялъул бетIер Евгений Захаровас.

ТIадехун рехсарал къануназ тIадтаразе ихтиярал кьола къватIиабахъ тIоритIулел демонстрациял нахъе гъезе, хIажалъани депутатазухъа хасаб статус бигьаго бахъизе ва пачалихъиял хъулухъчагIи жамгIияб критикаялдаса цIунизе.

Украиналъул тIадегIанаб Рада аслияб къагIидаялда гIуцIун буго хIакимлъуда бугеб партиялъул вакилзабаздаса.

Рехсарал къануназда жидерго разилъи гьечIолъи загьирабуна ОБСЕ-гIуцIиялъ, Цолъарал Штатаз ва Евроцолъиялъ.
XS
SM
MD
LG