«ГIурхъаби лъаларел репортерал» абулеб халкъаздагьоркьосеб идараялъул рахIат хун буго Доналда бугеб Ростовалъул нухмалъи какарал журналистал тамихIалде цIаялъ.
Инсанасул ихтиярал цIунулезул лъазабиялда абулеб буго Михаил Ходорковскиясда, «Гринписалъул» активистазда ва Pussy Riot къукъаялъул ясазда тIаса лъугьиналде балагьичIого Россиялъул тIалъиялъ инсанасул аслиял ихтиярал хвезарулел ругин, гьебги эркенаб рагIуе бугеб ихтиярин.
Гьеб хитIабалъул автораз ракIалде щвезарулел руго Ростовалдаса
Сергей Резник ва Александр Толмачев абулел журналистазул къисмат. Жидер профессионалияб хIаракатчилъиялъухъ диванаханаялъул къуваталъул къурбаналлъун ккун ругин гьелин абулеб буго инсанасул ихтиярал цIунулез. Резник лъагIелгун бащдалъ жанив тIамун вуго интернеталдасан нухмалъиялъул вакил какаралъухъ, Толмачев кIиго соналъ изоляторалъув ккун вуго рищват тIалаб гьабулеб букIанин абун.
Инсанасул ихтиярал цIунулез рикIкIунеб буго нухмалъиялъул гIурхъаби тараб тIасан ккеялъул ва коррупциялъул цIех-рех гьабулел рукIиналъ жанир тIамун ругин гьел журналисталин. Гьелда бан, «ГIурхъаби лъаларел репортерал» идараялъ информалатазул эркенлъиялде балагьун дунялалъул рейтингалда Россиялъе кьолеб буго 179 ялдаса гьоркьосан 148 бакIал. Араб соналде данде ккун гьеб жеги анлъго позициялъ нахъе ккун буго.
Инсанасул ихтиярал цIунулезул лъазабиялда абулеб буго Михаил Ходорковскиясда, «Гринписалъул» активистазда ва Pussy Riot къукъаялъул ясазда тIаса лъугьиналде балагьичIого Россиялъул тIалъиялъ инсанасул аслиял ихтиярал хвезарулел ругин, гьебги эркенаб рагIуе бугеб ихтиярин.
Гьеб хитIабалъул автораз ракIалде щвезарулел руго Ростовалдаса
Сергей Резник ва Александр Толмачев абулел журналистазул къисмат. Жидер профессионалияб хIаракатчилъиялъухъ диванаханаялъул къуваталъул къурбаналлъун ккун ругин гьелин абулеб буго инсанасул ихтиярал цIунулез. Резник лъагIелгун бащдалъ жанив тIамун вуго интернеталдасан нухмалъиялъул вакил какаралъухъ, Толмачев кIиго соналъ изоляторалъув ккун вуго рищват тIалаб гьабулеб букIанин абун.
Инсанасул ихтиярал цIунулез рикIкIунеб буго нухмалъиялъул гIурхъаби тараб тIасан ккеялъул ва коррупциялъул цIех-рех гьабулел рукIиналъ жанир тIамун ругин гьел журналисталин. Гьелда бан, «ГIурхъаби лъаларел репортерал» идараялъ информалатазул эркенлъиялде балагьун дунялалъул рейтингалда Россиялъе кьолеб буго 179 ялдаса гьоркьосан 148 бакIал. Араб соналде данде ккун гьеб жеги анлъго позициялъ нахъе ккун буго.