МагъчIваялъе рес

Шумахер захIматаб хIалалда вуго


Михаэль Шумахер
Алманиялдаса автомашинаби хъамаризарулев Михаэль Шумахер захIматаб хIалалда вуго. Франциялъул мугIрузда хъещтIолаго гьесул бетIер лъукъун букIана гьатIан къоялда. Азарханаялде щвезавураб мехалда, 44 сон барав Шумахер комаялда вукIун вуго. Гьесие гьабун буго операция.
Мерибель абулеб бакIалда васгун цадахъ хъещтIолаго Шумахер гIодов речIчIун вуго ва гьесул бетIер гамчIазда кьабун буго. Цебе лъазабулеб букIана гьесул ботIрода шлем букIиналъ гьесие кIудияб зарал ккун гьечIин.
«Формула-1» анкьго нухалда чемпион Михаэль Шумахерица карьера лъугIизе тун букIана 2012 соналда, хъамарилаго 19 сезон бан хадуб.
XS
SM
MD
LG