Россиялъул регионазда жаниб спорталъул рахъалъ цебетIуразул цояблъун рикIкIунеб регион - Дагъистаналда 2013 соналъги камичIо кIвар бугел спортивиял лъугьа-бахъинал.
Цере рачIана цIиял спортсменал, росана цIиял бергьенлъаби, улкаялъул спортивияб гIумруялда жанир цIиял лъалкIал тана. Цо-цо спортсменал тIараде рахана, цогидал тIинде ана.
ЛъагIалил рищунго лъикIал спортсменал ва тренерал рищулел рукIана 26 декабралда Дагъистаналъул физкультураялъулгун спорталъул министерствоялда.
Гьелъул хIасилазул хIакъалъулъ «Эркенлъи» радиоялъе бицана рехсараб министерствоялъул пресс-хъулухъалъул хIалтIухъан Шамил МухIамадовас.
Шамил МухIамадов: «Спорталъул министерлъиялъ гIуцIун буго лъагIалида жаниб щивав спортсменасул рейтинг.
Гьениб хIисаб гьабула спорсменас росарал бергьенлъаби Россиялъул ва халкъазда гьоркьосел турниразда.
ХIисаб гьабула гьезул кIвар ва бергьенлъи босараб къагIидаялъул. Гьелъул хIасилалда рекъон 26 декабралда нижеца рехсана рищунго лъикIал спортсменал ва тренерал.
Олимпиялъул спортивиял тайпабазда жанир тIоцересел бакIал росана гугарухъабаз. Гьел ккола Нариман Исрапилов, Бекхан Гойгереев, Эдуарl Бекбулатов, МухIамад КъурбангIалиев, Шамил КIудиявмухIамадов, бакIаб атлетикаялъулав Рамазан Расулов, тэквандист Сайфула МухIамадов ва боксер МухIамад ГIумаров.
Параолимпиялъул спортивиял тайпабазда гъорлъ лъикIаллъун рикIкIана дзюдоист ШагIбан Къурбанов, ГIадула КъурамухIамадов, БейсултIан Абакаров ва Мурад МухIамадилаев.
Тренеразда гъорлъ лъикIаллъун рехсана квер багъизе тIамулеб спорталъул тренер ХIасан ГIалибегов, кикбоксингалъул тренер Арсен Ибрагьимов ва гьел гурел цогидалги».
Рехсарал спортсменал церерахъана Дагъистаналда, Россиялда ва дунялалда батIи-батIиял къецазда ва гIемерал батIи-батIиял шапакъатал росана.
ЛъагIалил байбихьудаса нахъе республикаялда аслиял спортивиял харбал рукIана футболияб команда «Анжиялда» сверухъ.
Дагъистаналдаса олигарх Сулейман Керимовас дунялалдаса ва Россиялдаса рищунго лъикIалин рикIкIунел гьунар бугел футболистал ракIарараб клуб Россиялъул чемпион бахъизе балагьун рукIана киналго футбол бокьулел.
Амма маялда лъугIараб турнир Дагъистаналдаса командаялъ лъугIана лъабабилеб бакIалда. Хьул букIана гIемерисезул 1 июналда Грозный шагьаралда Анжиялъ Россиялъул кубок босизе, амма гьениб Анжи къуна Москваялдаса ЦСКА командаялъухъа.
Дагъистаналъул президентас лъазабухъе, сентябрь моцIалъ Дагъистаналда тIоритIизе кколаан «Кавказалъул хIаял».
Гьелде хIадурлъизе кIвечIони спорталъул хIакимзаби хъулухъалдаса рахъизе ругиланцин лъазабун букIана. Амма Дагъистаналъул спортивиял гIуцIарухъабазда кIвечIо хIадурлъизе ва гьел тIоритIана октябралъул байбихьуда Пятигорскиялда.
Гьезул хIасилалда Дагъистаналъул командаялъе щвана кIиабилеб бакI.
2013 сон Дагъистаналда ракIалде хутIана добго Анжи командаялда кIудиял хиса-басиял гьарураб сонлъул.
Гьезул хIасилалда Россиялъул футболалъул чемпионаталда ахирисеб бакIалда буго команда лъагIалил ахиралда ва 18 нухалъ хIаниги цониги нухалъ бергьичIого Россиялъул чемпионаталъул антирекорд лъун буго.
Клубалъул хважаин Сулейман Керимовас сентябралъул байбихьуда лъазабуна жинца тIокIал командаялде багьа цIикIкIарал футболистал росизе гьечIин ва ругелги цоги клубазде риччазе ругин.
Гьединаб хIукмуялде С. Керимов вачIана лъагIалил байбихьудаса нахъе кигIан гIемер гIарац биччаниги клубалъ хIасилал квешал рихьизарулел рукIиналъ.
Чемпионаталъул хIасилалда команда гъоркьияб дивизионалде ккезе бегьулаян рикIкIунеб буго спортивиял экспертаз.
Дагъистаналъул спорталъе лъикIаб гуреблъун ккана ноябрь моцI. Профессионалияб рингалда цониги нухалъ къечIев, кIудияб букIинисеб бугев Дагъистаналдаса боксер МухIамад ГIабдусаламов къуна ноябралъул байбихьуда тIобитIараб данделъиялда Кубаялъул боксер Майк Пересидаса.
Гьелъул хIасилалда М. ГIабдусаламов гьабсагIаталдаги Нью-Йоркалъул клиникаялда сах гьавулев вуго.
Тохтурзабаз гьесул гвангвараялъул цо бутIа къотIун буго гьесул гIумру хвасар гьабиялъул мурадалда.
Спорталъул министерлъиялда «Эркенлъи» радиоялъе кьураб баяналда рекъон, исана лъикIал хIасилал рихьизаруна Дагъистаналдаса спортсменаз цереккун нилъер республикаялъе хасиятал гурел рукIарал спортивиял тайпабаздаги.
Мисалалъе, руччабазул регбиялъул рахъалъ тIолгодунялалъул рейтингалда лъабабилеб бакIалда йиго Дагъистаналдаса Байзат ХIамидова. Жиндирго яц Навратгун цадахъ Россиялъул тIасабищараб командаялда цее яхъулел гьей кIиго спортсменка лъугьун руго тIолгодунялалъул регбиялда киназдаго лъалел чагIилъун.
Гьеб хIужаги кьочIое босун, Дагъистаналъул спорталъул министерствоялда ракIалда буго тIасияб соналъ Дагъистаналда бихьиназул ва руччабазул регби цебетIезабиялъе шартIал гIуцIизеян бицана министерствоялъул пресс-хъулухъалда.
Гьединго бицанан, гIаммаб къагIидаялъ босани спортивияб рахъалъ исана сон цогидаздаса батIияб букIинчIин, Россиялда спортивияб рахъалъ бищунго церетIуразул кьеразулъ буго Дагъистан.
Гьелъие нугIлъи гьабулеб буго Россиялъул спорталъул министерлъиялда лъагIалил хIасилал гьарулаго Дагъистаналъул спорталъул министр МухIамад МухIамадовасе спорт цебетIезабиялъухъ кьураб шапакъаталъ абун тIадеги жубана пресс-хъулухъалда.
Цере рачIана цIиял спортсменал, росана цIиял бергьенлъаби, улкаялъул спортивияб гIумруялда жанир цIиял лъалкIал тана. Цо-цо спортсменал тIараде рахана, цогидал тIинде ана.
ЛъагIалил рищунго лъикIал спортсменал ва тренерал рищулел рукIана 26 декабралда Дагъистаналъул физкультураялъулгун спорталъул министерствоялда.
Гьелъул хIасилазул хIакъалъулъ «Эркенлъи» радиоялъе бицана рехсараб министерствоялъул пресс-хъулухъалъул хIалтIухъан Шамил МухIамадовас.
Шамил МухIамадов: «Спорталъул министерлъиялъ гIуцIун буго лъагIалида жаниб щивав спортсменасул рейтинг.
Гьениб хIисаб гьабула спорсменас росарал бергьенлъаби Россиялъул ва халкъазда гьоркьосел турниразда.
ХIисаб гьабула гьезул кIвар ва бергьенлъи босараб къагIидаялъул. Гьелъул хIасилалда рекъон 26 декабралда нижеца рехсана рищунго лъикIал спортсменал ва тренерал.
Олимпиялъул спортивиял тайпабазда жанир тIоцересел бакIал росана гугарухъабаз. Гьел ккола Нариман Исрапилов, Бекхан Гойгереев, Эдуарl Бекбулатов, МухIамад КъурбангIалиев, Шамил КIудиявмухIамадов, бакIаб атлетикаялъулав Рамазан Расулов, тэквандист Сайфула МухIамадов ва боксер МухIамад ГIумаров.
Параолимпиялъул спортивиял тайпабазда гъорлъ лъикIаллъун рикIкIана дзюдоист ШагIбан Къурбанов, ГIадула КъурамухIамадов, БейсултIан Абакаров ва Мурад МухIамадилаев.
Тренеразда гъорлъ лъикIаллъун рехсана квер багъизе тIамулеб спорталъул тренер ХIасан ГIалибегов, кикбоксингалъул тренер Арсен Ибрагьимов ва гьел гурел цогидалги».
Рехсарал спортсменал церерахъана Дагъистаналда, Россиялда ва дунялалда батIи-батIиял къецазда ва гIемерал батIи-батIиял шапакъатал росана.
ЛъагIалил байбихьудаса нахъе республикаялда аслиял спортивиял харбал рукIана футболияб команда «Анжиялда» сверухъ.
Дагъистаналдаса олигарх Сулейман Керимовас дунялалдаса ва Россиялдаса рищунго лъикIалин рикIкIунел гьунар бугел футболистал ракIарараб клуб Россиялъул чемпион бахъизе балагьун рукIана киналго футбол бокьулел.
Амма маялда лъугIараб турнир Дагъистаналдаса командаялъ лъугIана лъабабилеб бакIалда. Хьул букIана гIемерисезул 1 июналда Грозный шагьаралда Анжиялъ Россиялъул кубок босизе, амма гьениб Анжи къуна Москваялдаса ЦСКА командаялъухъа.
Дагъистаналъул президентас лъазабухъе, сентябрь моцIалъ Дагъистаналда тIоритIизе кколаан «Кавказалъул хIаял».
Гьелде хIадурлъизе кIвечIони спорталъул хIакимзаби хъулухъалдаса рахъизе ругиланцин лъазабун букIана. Амма Дагъистаналъул спортивиял гIуцIарухъабазда кIвечIо хIадурлъизе ва гьел тIоритIана октябралъул байбихьуда Пятигорскиялда.
Гьезул хIасилалда Дагъистаналъул командаялъе щвана кIиабилеб бакI.
2013 сон Дагъистаналда ракIалде хутIана добго Анжи командаялда кIудиял хиса-басиял гьарураб сонлъул.
Гьезул хIасилалда Россиялъул футболалъул чемпионаталда ахирисеб бакIалда буго команда лъагIалил ахиралда ва 18 нухалъ хIаниги цониги нухалъ бергьичIого Россиялъул чемпионаталъул антирекорд лъун буго.
Клубалъул хважаин Сулейман Керимовас сентябралъул байбихьуда лъазабуна жинца тIокIал командаялде багьа цIикIкIарал футболистал росизе гьечIин ва ругелги цоги клубазде риччазе ругин.
Гьединаб хIукмуялде С. Керимов вачIана лъагIалил байбихьудаса нахъе кигIан гIемер гIарац биччаниги клубалъ хIасилал квешал рихьизарулел рукIиналъ.
Чемпионаталъул хIасилалда команда гъоркьияб дивизионалде ккезе бегьулаян рикIкIунеб буго спортивиял экспертаз.
Дагъистаналъул спорталъе лъикIаб гуреблъун ккана ноябрь моцI. Профессионалияб рингалда цониги нухалъ къечIев, кIудияб букIинисеб бугев Дагъистаналдаса боксер МухIамад ГIабдусаламов къуна ноябралъул байбихьуда тIобитIараб данделъиялда Кубаялъул боксер Майк Пересидаса.
Гьелъул хIасилалда М. ГIабдусаламов гьабсагIаталдаги Нью-Йоркалъул клиникаялда сах гьавулев вуго.
Тохтурзабаз гьесул гвангвараялъул цо бутIа къотIун буго гьесул гIумру хвасар гьабиялъул мурадалда.
Спорталъул министерлъиялда «Эркенлъи» радиоялъе кьураб баяналда рекъон, исана лъикIал хIасилал рихьизаруна Дагъистаналдаса спортсменаз цереккун нилъер республикаялъе хасиятал гурел рукIарал спортивиял тайпабаздаги.
Мисалалъе, руччабазул регбиялъул рахъалъ тIолгодунялалъул рейтингалда лъабабилеб бакIалда йиго Дагъистаналдаса Байзат ХIамидова. Жиндирго яц Навратгун цадахъ Россиялъул тIасабищараб командаялда цее яхъулел гьей кIиго спортсменка лъугьун руго тIолгодунялалъул регбиялда киназдаго лъалел чагIилъун.
Гьеб хIужаги кьочIое босун, Дагъистаналъул спорталъул министерствоялда ракIалда буго тIасияб соналъ Дагъистаналда бихьиназул ва руччабазул регби цебетIезабиялъе шартIал гIуцIизеян бицана министерствоялъул пресс-хъулухъалда.
Гьединго бицанан, гIаммаб къагIидаялъ босани спортивияб рахъалъ исана сон цогидаздаса батIияб букIинчIин, Россиялда спортивияб рахъалъ бищунго церетIуразул кьеразулъ буго Дагъистан.
Гьелъие нугIлъи гьабулеб буго Россиялъул спорталъул министерлъиялда лъагIалил хIасилал гьарулаго Дагъистаналъул спорталъул министр МухIамад МухIамадовасе спорт цебетIезабиялъухъ кьураб шапакъаталъ абун тIадеги жубана пресс-хъулухъалда.
