МагъчIваялъе рес

Сириялда гьарун руго терактал


Сириялъул Хомс провинциялда школалда аскIоб гьабураб кьвагьиялъул хIасилалда хун вуго бищун дагь босун анлъго чи.

Гьелъул хIакъалъулъ лъазабулеб буго сириялъул нухмалъиялъ. Сириялъул инсанасул ихтиярал цIунулеб гIуцIиялъул баяназда рекъон, хваразда гъорлъ лъималги руго.

САНА абураб сириялъул официалияб агентлъиялъул лъазабиялджа рекъон, хваразда горлъ буго щуго лъимер ва кIиго хIалтIухъан. Агентлъиялъ жавабчилъи тIад лъуна террористазда. Гьедин сириялъул хIукуматалъ абулеб буго Башар Асадил режималде данде чIарал къуватазде.

Гьединго лъазабулеб буго шиитазул шагьар Умм аль-Амед абураб шагьаралда хвалде унес гьабураб кьагьиялъул хIакъалъулъги. Сириялъул оппозиция аслияб къагIидаялда буго суннитаздаса. Шиитазул ва цогидал диниял гIаркьелазул аслияб къадаралъ сириялъул конфликталда рахъ кколеб буго Башар Асадил.

Магърибалъул информалатаз абулеб буго, Умм аль-Амедалда лъугьабахъаралъ бихьизабулеб бугин, Сириялда унеб гражданияб рагъалъул хасият бихьулеб къагIидаялда динияб рахъалдехун хисулеб бугин.
XS
SM
MD
LG