МагъчIваялъе рес

«Евромайдан» хъамуралъухъ хъулухъчагlи эркен гьарун руго


30 ноябралъул сардилъ «евромайдан» хъамуралъухъ президентас хъулухъалдаса рехун руго Украиналъул Миллияб ХIинкъигьечIолъи цIуниялъул Шураялъул нухмалъулев хисулев Владимир Сивкович ва Киев шагьаралъул администрациялъул бетIер Александр Попов. Украиналъул генералияв прокурор Виктор Пшонкал рагIабазда рекъон, Сивковичица ва Поповас тIадецуй гьабулеб букIун буго Киевалъул милициялде гьез демонстрантазде данде къуват хIалтIизаби мурадалда.
Талат къоялдаса арбагI къоялъул сардилъ гьенир тунка-гIусиял ккун рукIана полициязда ва демонстрантазда гьоркьоб.
Рузман къоялъ Киевалъул диванханаялъ эркен гьарун руго гьеб 30 ноябралъул сардилъ ккун рукIаралщинал чагIи. Гьедин лъазабулеб буго
Associated Pressалъ. ДиванчIужуялъ лъазабун буго гьезул ахирисев 9 чи нахъе виччалев вугин туснахъалъуса, амма гьезда тIад такъсир гьабиялда сверун рагьарал ишал жеги къан гьечIин.
Гьел гIадамал нахъе риччай букIана хIукуматгун кIалъа-ралъаял байбихьизе оппозициялъ рихьизарурал шартIазул цояб.
Киевалда ва Украиналъул цоги шагьаразда евроинтергациялъул рахъ кколезул акциял байбихьун рукIана 21 ноябралда. Гьелъие гIиллалъун ккун букIана ЕвроЦолъигун ассоциациялъул къотIи хъваялъул иш хIукуматалъ заманаялъ чIезе тей.
XS
SM
MD
LG