МагъчIваялъе рес

Россиялъул дипломатал гIайибалъе мукIурлъулел гьечIо


Нью-Йоркалъул Федералияб прокуротуроялъул вакил Прит Бхарараца бихьизабулеб буго Россиялъул дипломатазул хIилла-макруялъул схема. Нью-Йорк, 2013 соналъул 5-билеб декабрь.
Нью-Йоркалъул Федералияб прокуротуроялъул вакил Прит Бхарараца бихьизабулеб буго Россиялъул дипломатазул хIилла-макруялъул схема. Нью-Йорк, 2013 соналъул 5-билеб декабрь.
Россиялъул къватIисел ишазул министерлъиялъ нахъ чIвана Цолъарал Штатазул прокуротуроялъ Россиялъул дипломатазде гIунтIизабулеб гIайиб.

Министр хисулев Сергей Рябовас лъазабуна гьел гIайибал гьарун руго къануналде данде кколареб къагIидаялда гьабураб хал кквеялъул хIасилалъул кьучIалда.

Рябовасул пикруялда дипломатикияб иммунитет ва хасал парспортал ругел хъулухъчагIазул банказда цIунулеб гIарцул къадаралъул цIех-рех гьаби – тIубанго данде кколареб иш бугин.

Хамиз къоялъ Нью-Йоркалъул Федералияб прокуротуроялъул бутIаялъ россиялъул дипломатазде ва гъозул хъизамазде гIунтIизабуна хIилла макру гьабиялъул гIайиб.

Прокуротуроялъ абулеб буго 2004 соналдаса байбихьун 2013 соналде щвезегIан гьел гIадамаз хIалтIизабун букIана мискинал американиязе кьолеб пачалихъияб медициниялъулаб программа.

Заралалъул къадар цо миллионгун щунусазарго долларалде бахунеб бугин. Рехсарал россиялъулазде гIунтIизабун буго хIилла-макру гьабиялъул гIайиб.
XS
SM
MD
LG