МагъчIваялъе рес

Буданов чIваялда хурхараб ахирисеб диван


Темирханов Юсуп - диваналда цеве.
Россиялъул армиялъул вукIарав полковник Юрий Буданов чIварав Темирханов Юсупие диваналъ гьабураб къотIи арбагI къоялдаса байбихьун къуваталде щвараблъун рикIкIун бугоан.

2013 соналъул май моцIалда Москваялъул махIкамаялъ хIукму гьабун буго гьев 15 соналъ жаниве тIамизе.

АрбагI къоялъ Россиялъул ТIадегIанаб Диваналъ гьеб къотIи дурус гьабуна.
Жиндир заманалда Юрий Будановас 18 сон барай чачанай Эльза Кунгаева йикъун, гьей инжит гьаюна ва чIвана.

2003 соналда диваналъ гьев 10 соналъ жаниве тIамуна. Амма болжал ахиралде швезегIан гьев эркенлъуде виччан вукIана 2009 соналда.

Гьелдалъун кIудияб жамгIияб дандерижи багъарун букIана. 2011 соналда Буданов речIчIун чIвана.
XS
SM
MD
LG