МагъчIваялъе рес

Москваялда аресталде гъоркье восун вуго 15 исламист


Москваялъул диваналъ санкцияби кьун руго "Ат Такфир валь-Хиджра" абураб исламистазул гIуцIиялъул 15 гIахьалчи аресталде гъоркье восиялъе.

АрбагI къоялда гьел ккун рукIана Москваялъул машрикъалъул мухъалда. Полициялъул лъазабиялда рекъон, чIухь балеб мехалда гьезухъ батун буго жидецаго гьабураб лъабго бомба, «шагьидасул рачел», таманчаби, гранатаби ва экстремистияб литература.

"Ат Такфир валь-Хиджра" гIуцIиялъул бухьенал рагIулда «Аль-Каидаялъулгун» ва гьеб гьукъараб буго Россиялда 2010 соналдаса.

Гьеб гIуцIи гьединго гьукъараб рагIула гIарабазул гIемерисел улкабаздаги.
XS
SM
MD
LG