Киевалъул "евромайданал" цолъун руго

Украиналъул премьер-министр Николай Азаровас лъазабуна, хIукуматалъ Евроцолъиялъулгун ассоциациялъул документалда гъулбаси заманалъ чIезабун букIаниги, кIалъа-басаял гьелда сверун халат рахъунел ругин. Гьединаб лъазаби Азаровас гьабуна хIукуматалъул данделъиялда.

Гьебго заманалда Киевалда халат бахъунеб буго протесталъул акцияби. Гьелъул гIахьалчагIаз тIалаб гьабулеб буго Евроцолъиялде гIагарлъиялъул гали тIами.

АрбагI къоялъ радал кIиго батIияб бакIалда унеб «евромайдан» цолъизабуна. БатIа чIун акция тIобитIулеб букIараб цо къокъаялъ жидерго чадирал Лъиданиги бачIоголъиялъул майданалдаса щвезаруна Европаялъул майданалде.

Гьелдаго цIадахъ туснахъалда украиналъул экс-пресьер Юлия Тимошенкоца кIиабилеб къоялъ халат бахъинабулеб буго якъун чIеялъул акция.