МагъчIваялъе рес

"Женева - 2" кIалъа-басаял тIоритIизе руго январалда


Сириялда конфликт рагIалде бахъинабиялда сверун халкъазда гьоркьосеб конференция тобитIизе буго 2014 соналъул январалда Женеваялда. Итни къоялда бахъараб Цолъарал миллатазул гIуцIиялъул генералияв секретарь Пан Ги Мунил пресс-хъулухъалъул лъазабиялда абулеб буго, «Женева – 2» конференция кколин улка ракълиде буссиналъе санагIатаб интсрументин. Гьелде хьулалгун балагьун бугин сириялъул халкъгийин.

Лъазабиялда абулеб гьечIо кинал рахъал гьеб конференциялда гIахьаллъизе ругелали. Россиялъ цебелъей гьабулеб буго ракълилаб конференциялда Иран гIахьаллъиялъул. Гьелде данде руго Цолъарал Штатал ва Магърибалъул улкаби.

Сириялъул миллияб коалициялъ лъазабулеб буго, жиб конференциялда гIахьаллъизе бугин гIицIго Башар Асад презединтасул хъулухъалдаса нахъе унев вугониян.

Сириялда загьирлъулеб кофликталъул хIасилалда 20II соналъул марталдаса байбихьун хун вуго нусазаргоялдаса цIикIкIун чи. Миллионалъ лъутизе ккун руго улка тун къватIире.
XS
SM
MD
LG