МагъчIваялъе рес

Цапок мукIурлъун гьечIо такъсиралъе


Сергей Цапок
Кущевская росулъ 12 чи чIваялъул аслияб гIайиб гIунтIизабулев Сергей Цапок диваналда кьураб ахирисеб рагIиялда мукIурлъун гьечIо гьеб такъсиралъе. Гьес абун буго жинда гIайиб гьечIин ва эркенлъуде виччазе вукIиналда жиндир хьул бугин. Гьес гьединго журналистазда, диваналда ва низам цIунулезда гьарун буго жиндир эбел-Надежда Цапок ва жиндир лъималазул эбел хIалада теян.
Диванханаялъ гьесие къотIараб хIукму лъазабизе буго талат къоялда.
Гьа баразул диваналъ Сергей Цапок чIезавуна Кущевская росулъ 12 чи чIваялъе ва хъачагъазул къукъа гIуцIиялъе гIайиб бугевлъун. ЦIех-рехалъул баяназда рекъон, гьеб къукъаялъ 1998 соналдаса 2010 соналде щвезегIан чIван вуго 19 чи.
Гьеб ишалда сверун диван гьабулеб буго анлъго чиясда тIад, гьезул цонигияс живго гIайибиявлъунги рикIкIунев гьечIо.
2010 сонулъул 4 ноябралда Цапокил хъачагъазул къукъаялъ тIадекIанцIи гьабун буго Сервер Аметовасул фермаялде ва чIван вуго гьенив вукIарав 12 чи, гьездаго гьоркьоб ункъго лъимерги. Гьеб такъсиралъ улкаялдаго кIудияб ахIи-хIур багъаризабун букIана.
XS
SM
MD
LG