МагъчIваялъе рес

Мисралда хасаб низам нахъе бахъине буго


Каиралъул административияб диваналъ хIукму гьабун буго лъабго моцIалъ цебе лъазабураб гIорхъолъа борчIараб ахIвал-хIалалъул низам нахъе бахъине.

Амма аскариязул кумекалдалъун тIалъи гьабулеб Мисралъул заманалъулаб хIукуматалъ лъазабуна рехсараб низам нахъе бахъине бугин официалияб текст кодобе щун хадусала.

Кин бугониги Вашингтоналъ диваналъул къотIи лъикIаблъун рикIкIана.

ГIорхъолъа борчIараб ахIвал-хIалалъул низам Мисралда лъазабун букIана исана 14 августалда Мисралъул тарихалда жаниб демократикияб къагIидаялъ тIоцебесеб нухалъ президентлъун вищарав МухIамад Мурси хъулухъалдаса эркен гьавун хадуб гражданияб тунка-гIусси багъарун букIиналъ.
XS
SM
MD
LG