МагъчIваялъе рес

Москваялъулги Гаагаялъулги контактал халат рахъунел руго


Arctic Sunriseалъул ишалъул суал рагIалде бахъинабиялъул дипломатияб къагIида батун гьечIо гьанжеги Москваялдаги Гаагаялдаги. Амма рахъазда ракIалда буго гьеб гIагарисеб заманалда гьабизе.

РИА «Новости» агентлъиялъе интервью кьолаго, гьелъул хIакъалъулъ лъазабуна Москваялде визитгун щварав Нидерландазул къватIисел ишазул министр Франс Тиммермансица. Гьесул рагIабазда, рахъаз халат рахъинарулел руго жигарал контактал конфликт дипломатияб къагIидаялда рагIалде бахъинабиялъе.

Россиялъ нидерландазул байрахъалда гъоркь букIараб гама кквеялда бан, Гамбургалда халкъазда гьоркьосеб ралъдал ихтиярал хвезариялъул диваналъул иш бьагъариазабуна октябралда Нидерландаз.

Жиндирго рахъалдаса Россиялъги Нидерландазда гьарун букIана Arctic Sunrise гамаялъул экипажалъул хьвада-чIвадиялъе гIорхъаби чIезариян абун.
XS
SM
MD
LG