МагъчIваялъе рес

Сириялъ хвезарун руго химикияб ярагъ биччалел объектал


Химикияб ярагъ гьукъиялъул халкъазда гьоркьосеб гIуцIиялъ лъазабуна, чIезабун букIараб болжалалда жаниб сириялъул нухмалъиялъ тIагIинабунин жинцаго лъазабун букIараб химикияб ярагъ биччалеб къай-матахIин.

Reuters агентлъиялъухъе бачIараб документалда абулеб буго, гьеб гIуцIиялъул экспертал щванин 23 объекталдаса 2I-ялдейин ва гьезда жидедаго бихьанин химикияб ярагъ биччалел киналго заводал хвезарун рукIинин. Документалда кIвар буссинабулеб буго, хутIараб кIиго объекталда инспекция гьабизе рес букIинчIеблъиялде, гьениб инспекторазул сахлъиялъе кIудияб хIинкъи букIиналда бан. Аммаян абулеб буго гьениб, гьениб букIараб кинабго къай-матахI цогидаб бакIалде щвезабунин гьезул экспертазин.

Сентябралда Россиялдаги Цолъарал штатаздаги гьоркьоб гьабураб къотIи-къаялда рекъон, сириялъул химикиял арсеналал тIагIинаризе кколел руго 20I4 соналъул тIоцебесеб бащалъиялъул ахиралда.
XS
SM
MD
LG