МагъчIваялъе рес

Волгоградалда кьвагьи гьабун буго дагъистаниялъ


Волгоградалда гIадамал раччулев автобусалда жаниб кьвагьи гьабун буго дагъистаниялъ. Гьей кколей йиго 30 сон букIарай жийго-жинцаго чIвалей Наида Асиялова. Гьедин лъазабуна Россиялъул цIех-рехалъул комитеталъул официалияв вакил Владимир Маркиница.
Гьесулго баяназда рекъон, гьеб теракталъул хIасилалда зарал ккаразул къадар 32 чиясде бахун буго. Гьел киналго, гьездаго гьоркьоб цо лъимерги шагьаралъул азарханаялде щвезарун руго. Гьезулги микьго чи рагIула цIакъго захIматаб хIалалда.
Цебе Дагъистаналъул низам цIунулез лъазабун букIана Асиялова изну гьечIого яргъидгIуцIаразул къукъаялдаса Соколов Дмитрийил лъади йикIине рес бугин. Гьел Москваялда цадахъ цIалулел рукIанин ва гьелда хадув гьев кинабгоги тун Дагъистаналдеги вачIун, «рохьилазде» гъорлъе лъугьанин.
Маркиница бицухъе, гьей гIадан автобусалъуе лъугьарабго бахъун буго кьвагьи.
XS
SM
MD
LG