МагъчIваялъе рес

Малайзиялъул насраниязе Аллагьасул цIар рехсезе гьукъун буго


Малайзиялда гIумру гьабулел Ислам-диналъул гурел гIадамазе Аллагьасул цIар рехсезе гьукъулеб хIукму итни къоялъ гьабуна гьеб улкаялъул аппеляционияб диваналъ.

Аллагьасул цIар гIицIго бусурбабазе рехсезе бегьулин, щай гурелъул цогидал диназда хурхарал баянал гьарулаго, гIадамал къосине бегьулин.

Малайзиялъул хIукуматалъул иск хIисабалде босун, къабул гьабураб гьеб хIукмуялъ нахъе бахъана 2009 соналда гъоркьияб даражаялъул махIкамаялъ тасдикъ гьабураб къотIи.

Гьелъ гIисал диналъул цо газетаялъул редакциялъе рес кьолеб букIана жиндирго диналда бан ТIадегIанасда Аллагьиан абизе малай мацIалъ.

Малайзиялъул насранияз абулеб буго жидеца Аллагьилан абураб рагIи гIараб мацIалдаса босанин, ва рехсараб хIукмуялъ жидерго ихтиярал хвезарулел ругин.
XS
SM
MD
LG