МагъчIваялъе рес

СагΙудиязул ГΙарабиялда байбихьана хΙеж


13 октябралда байбихьана санайилаб хΙеж.

Гьаб соналда гьеб борхулеб буго кΙиго миллион гΙанав чияс. Гьезда гъорлъан къватΙисел пачалихъазадаса цо миллионгун 500 азарго чи. Дагъситаналдаса хΙежалде унев вуго 10 азаргоялде гΙунтΙун чи.

Цебесеб соналде данде ккун исана хΙеж борхулел къватΙисел улкабазул гражданазул къадар дагь буго, СагΙудиязул ГΙарабиялъ чΙезабураб квота даглъизабиялда бан. Сахлъи цΙунулел идарабазул хΙинкъи буго (MERS), ай коронавирусалъул синдром абураб унти тΙибитΙиялъул. Гьеб унтиялъул къурбанлъун гьанжеялдего лъугьун вуго 60 чи. 51 чи хун вуго СагΙудиязул ГΙарабаиялда.

ХΙеж борхулезул хΙинкъигьечΙолъи цΙунулеб буго нусазаргогΙанав рагъулас, Маккаялда ва гьелъул сверухълъиялда лъун буго ункъазаргоялдаса цΙикΙкΙун видеокамера.

XS
SM
MD
LG