МагъчIваялъе рес

Ливиялъул премьер-министр эркен гьавун вуго


Эркен гьавун вуго викъун вукΙарав ливиялъул премьер-министр ГΙали Зейдан.
Гьелъул хΙакъалъулъ, ливиялъул информациялъул агентлъиялда базабун, лъазабуна Associated Press агентлъиялъ.

Ливиялъул хΙукуматалъ хамис къоялда лъазабун букΙана щалали лъаларел гΙадамаз викъун вугин премьер-министрин. Лъазабиязда рекъон, гьев вачун ун вуго Триполиялъул централда бугеб петералдаса яргъид гΙуцΙарал гΙадамаз. Викъялъул багьана лъицаниги загьир гьабун гьечΙо.

Цо-цо агентлъияз ишара гьабулеб буго, терроризмалде хурхен букΙиналъул щаклъи бугев Абу Анас аль-Либи Цолъарал Штатазул хасаб масъалаби тΙуразарулез ккун вукΙиналдаги премьер-министр викъиялдаги гьоркьоб хурхен букΙине бегьиялда хурхараб.
XS
SM
MD
LG