МагъчIваялъе рес

Россиялда байбихьана Олимпиадаялъул цIаялъул эстафета


Москваялде БагIараб Майданалде щвана Сочиялда тIобитIизе бугеб 22-билеб Олимпиадаялъул цIа. Грециялдаса москваялъул Внуково аэропорталде гьеб щвезабун букIана шамат къоялда. Москваялъул Кремлалъул территориялдасанги босун гьеб цIаялъ цин тиризе буго Москва. ТIоцебесеб факел босизе мустахIикълъун йиго щуго нухалда олимпиадаялъул чемпионлъун яхъарай Анастасия Давыдова.
Олимпиадаялъул цIа щвезе буго Россиялъул Федерациялъул 83-бабаго субъекталде, гьеб щвезе буго космосалде ва рещтIине буго Байкал хIоринибе. Эстафета лъугIизе буго 7 февралалда Сочиялда Олимпиадаялъул хIаязе байбихьи лъураб мехалда. Эстафета халат бахъине буго 123 къоялъ ва щвезе буго 2900 росугун-шагьаралде.
XS
SM
MD
LG