МагъчIваялъе рес

Политковскаялъул премия кьуна Малала Юсуфзайие


Лондоналда тIабитIана 16 сон барай Пакистаналдаса Малала Юсуфзайие Россиялдаса журналист Анна Политковскаялъул премия кьеялъул церемония. 2012 соналда Малала чIвазе къасд гьабун букIана тIалибаз гьелъ васазулги ясазулги ихтиярал бащадал рукIине кколин абун гьабулеб букIараб хIаракатчилъи сабаблъун. Гьез лъукъун хадусанги жиндирго хIаракатчилъи халат бахъинабулеб буго Малалаца. Гьелъие премия кьуна 104 сон барав Николас Уинтоница. Гьес жугьутазул нус-нус лъимер хвасар гьабун букIана Чехословакиялда нацистазул оккупациялъул заманаялда.
2006 соналда чIварай Политковскаялъул цIаралда бугеб премия тасдикъ гьабун букIана 2007 соналда. Гьеб кьола рагъулал ишал унел регионазда инсанасул ихтияразе гIоло къеркьолел руччабазе.
XS
SM
MD
LG