Байрамалъул завалалда

Дагъистаналда кΙодо гьабуна республикаялъул халкъал цолъиялъул къо. МахΙачхъалаялда гьеб байрамалъул аслиял тадбирал унел рукΙана «Труд» стадионалда. Гьениб жиб-жиб мухъалъ рагьун букΙана жидерго миллияб «майдан». Гьенир рихьизарулел рукΙана жиб-жиб халкъалъе хасиятиял махщелал. БукΙана гьениб кечΙ-къурдиги. Стадион «майданаз» цΙезабун букΙаниги, спортивиял къецал тΙоритΙизеги гьениб бакΙ гΙуна. Гьеб киналдаго хадуб хал ккун букΙана видеокамерагун гьениве щварав нижер мухбир МухΙамадов Закирица.