Гуржиялъул магърибалда бугеб Читаури шагьаралда аскΙобехун 40 метралъул борхалъуда монах Максим Кавтарадзеца ватΙа чΙараб гΙумру гьабулеб буго чанго соналъ. Гьес абулеб буго, жинца гΙолохъанаб заманалда гьекъолеб букΙанин, ричулел рукΙанин наркотикал, жинца гьабизе камун жо течΙин. Ахиркъадги туснахъалдеги кканин. КантΙизе байбихьун хадуб, жинца хΙукму гьабунин Кацхил колоннаялда ГьитΙинаб гьатΙан базейин, гΙемер гΙасрабаз цебе жал щалали лъаларел монахазул гΙадаб гΙумру гьабизейин. Християназул гΙагарисеб жамгΙияталъул кумекалдалъун жинца банин тΙаде хасаб мали, хадуб жибго динияб минагиян, абулеб буго Максимица. Хадуб жибго коллоннаялда гъоркьги баккун буго монахазул мина ва гьитΙинаб гьатΙан. Гьенире хьвадулел руго гΙолохъанал диниял хΙаракатчагΙи.
Photos by Amos Chapple.
НекΙсиял монахазул гΙадат цΙилъизабурав гуржияв
1
20-гΙанаб соналъ Кацхил колоннаялда тΙад гΙумру гьабун вугев 59 сон барав монах Максимида щибаб къойил бихьулеб буго сверухълъиялда бугеб берцинаб, амма цого пейзаж.
2
40 метралъул борхалъиялъул Кацхил колонна реххун тун букΙана гΙасрабаз. 1944 соналда гьелде тΙаде вахарав альпинист Александр Джапаридзее батана гьениб динияб минаялъул хутΙелал ва монахасул рукъби.
3
Максим кьурул тогьиб бараб минаялда жанив.
4
Максим балагьун вуго жинхъе рачΙарал гΙадамазухъ. ГΙолохъанал монахал, «къосарал» яги жал квешаб ахΙвал-хΙалалде ккарал гΙадамал рачΙуна гьесухъе малъа-хъваязухъ гΙенеккизе. ГΙадатияб къагΙидаялда Максим мегΙералдаса гъоркье рештΙуна анкьида жаниб цо-кΙиго нухалда. КΙаси-къаси гьев какал ралев вукΙуна.
Категориял
- Мультимедиа
- МатIу
- Видео
- Нужер видео ва суратал
