Сочиялда низам цIунулез байбихьун буго нелегалиял мигрантал тIатинаризелъун кIудияб операция. Аслияб къагIидаялда гьез ралагьулел руго олимпиадаялъул объектал разе хIалтIизе рачарал къватIисел улкабазул гражданал. Гьединазул, официалиял баяназда рекъон, гьенив хIалтIулев вукIун вуго 100 азаргогIан чи. Гьезулги цIикIкIунисел руго Гьоркьохъеб Азиялдаса гIадамал. Гьедин лъазабулеб буго Сочиялда вугев Эркенлъи Радиоялъул мухбирас.
Ноябрь моцI щвелалде Сочи мигрантаздаса бацIцIад гьабун букIине ккола. Гьеб масъала рагIалде бахъинабизелъун бищунго радикалиял галаби лъезе хIадурал руго тIадтарал. Гьедин лъазабуна Краснодар икълималъул губернатор Александр Ткачевас. Олимпиада байбихьизе заман дагьлъанагIан Ткачевас полицияги, миграциониял суалазда сверун хъулухъалги, казакалги ахIулел руго тIокIал хIажат гьечIел гIадамаздаса Сочи бацIцIад гьабизе.
10 сентябралда Сочи бикьун букIана авалазде ва гьенир хасал мобилиял къукъабаз рукъ-рукъ ккун ралагьулел руго мигрантал.
Ноябрь моцI щвелалде Сочи мигрантаздаса бацIцIад гьабун букIине ккола. Гьеб масъала рагIалде бахъинабизелъун бищунго радикалиял галаби лъезе хIадурал руго тIадтарал. Гьедин лъазабуна Краснодар икълималъул губернатор Александр Ткачевас. Олимпиада байбихьизе заман дагьлъанагIан Ткачевас полицияги, миграциониял суалазда сверун хъулухъалги, казакалги ахIулел руго тIокIал хIажат гьечIел гIадамаздаса Сочи бацIцIад гьабизе.
10 сентябралда Сочи бикьун букIана авалазде ва гьенир хасал мобилиял къукъабаз рукъ-рукъ ккун ралагьулел руго мигрантал.