МагъчIваялъе рес

Б.Асад:Жидеца химикияб ярагъ хIалтIизабиялъул далилал рачинчIо Америкалъ


Шамалъул президент Башар Асадица рикIкIунеб буго жидеца химикияб ярагъ хIалтIизабиялъул далилал рачинчIин Америкалъин. Гьес гьедин абуна америкаялъул Си-Би-Эс телеканалалъе итни къоялъул радал кьураб интервьюялда.
Гьесул рагIабазда рекъон, Шамалда кьаби щвезабуни, гьеб регионалда «бокьараб жо ккезе рес буго». Амма гьес мухIкан гьабичIо лъица ва щиб гьениб гьабизе рес бугебали.
Асадил пикруялда, рагъалъ Америкаялъе я политикиял ялъуни экономикиял бергьенлъабиги кьезе гьечIо, амма ургъичIел ишазухъ гьелъ кIудияб багьа кьезе ккезе буго.
Асадил рагIабазда рекъон, гьесул аскаразеги гьабун букIун буго химикияб гьужум.
Гьебго заманаялда Британиялъул къватIисел ишазул министр Уильям Хейгица лъазабуна жидеца химикияб ярагъ хIалтIизабичIин гьарулел Асадил харбазда дунялалъул жамгIият божизе кколарин. Хейгица цадахъаб пресс-конференция кьолеб букIана Америкаялъул пачалихъияв секретарь Джон Керригун.
Минисрасул рагIабазда рекъон, жиндирго халкъалде данде гIемерал такъсирал гьарурав ва гьерсихъанлъун чанго нухалда живго вихьизавурав чияс бицунелда божизе бегьуларо.
XS
SM
MD
LG