МагъчIваялъе рес

Пакистаналда чΙван вуго яргъид гΙуцΙаразул лидер


Пакистаналъул Шималияб Вазиристаналда америкаялъул пилот гьечΙого боржунеб аппараталъ кьаби щвезабиялъул хΙасилада хун вуго «Аль-Каидаялъулгун»хурхен бугеб «Хаккани» абураб гΙуцΙиялъул анлъго гΙахьаллчи. ЧΙваразда гъорлъ вуго гьеб къокъаялъул лидеразул цояв Молла Сангин Задран.

Лъазабиязда рекъон, авиакьаби щвезабун буго афгъанистаналъул гΙорхъода аскΙоб бугеб мархьиялда. 20ΙΙ соналда Задранил цΙар хъван букΙана террористияб хΙакатчилъиялде хурхен букΙиналъ Цолъарал штатаз ралагьулезул сияхΙалде. Гьес нухмалъулел яргъид гΙуцΙаразул хΙаракатчи загьирлъулеб букΙана афгъанистаналъул Пактика провинциялда. Гьесде гΙайиб гΙунтΙизабулеб буго гΙадамал рикъиялъул, кьвагьиял гΙуцΙиялъул ва Афгъанистаналде нус-нус яргъид гΙуцΙарав витΙиялъул.
XS
SM
MD
LG