МагъчIваялъе рес

Израилалъ риччан руго ракетаби


Талат къоялъ радал Ракьдагьоркьосеб ралъдалъ ракетабазул хΙалбихьи гьабиялъул хΙакъалъулъ лъазабуна Израилалъ.

Гьелда цебе израилалъул рагъулаз лъазабулеб букΙана рехсараб регионалда ракетаби риччаялъул хΙакъалъулъ жидехъ информация гьечΙин.

Гьелда цебе Россиялъул улка цΙуниялъул министр Сергей Шойгуца президент Владимир Путинида лъазабун букΙана Ракьдагьоркьосеб ралъдал централияб акваториялъул рахъалдаса америкаялъул, франциялъул ва британиялъул гуми ругеб машрикъалъул рахъалдехун кΙиго баллистияб ракета биччаялъул хΙакъалъулъ.

Сириялъул рахъалъ лъазабуна, жидер территориялде киналгΙаги ракетаби рортун рукΙинчΙин.
XS
SM
MD
LG