МагъчIваялъе рес

Триполиялда кIиго кьвагьи


Ливаналъул шагьар Триполиялда рузман къоялда гьабураб кIиго къуват цIикIкIараб кьвагьиялъул хIасилалда хун вуго 27 ва лъукъун вуго 350ялдаса цIикIкIун чи. ТIоцебесеб кьвагьи ккун буго Ат-Таква абулеб мажгиталда аскIоб. КIиабилеб бомба кьвагьизабун буго Ливаналъул премьер-министрасул ишал тIуразарулев Наджиб Микатил рукъалдаса гIемерго рикIкIад гьечIеб бакIалда.
Анкь цебе тахшагьар Бейруталда гьабураб гьужумалъул хIасилалдаги хун вукIана 27 ва лъукъун вукIана 336 чи. Гьеб гьужум гьабун букIана Сириялъул президент Башар Асадил рахъ рагьун кколеб «ХIизболлагь» къукъаялъул штабалда аскIоб.
XS
SM
MD
LG