МагъчIваялъе рес

«Вацал-бусурбабаз» протесталъул акциязде ахIулел руго


Туснахъалъуса виччалев Хосни Мубарак, Каир, 22Авг2013
Мисралда рехарав президент МухIамад Мурсил рахъ кколез ахIи балеб буго рагъулаз кверде босараб хIукуматалде данде цIиял протесталъул акциял тIоритIизе. «Вацал-бусурбаби» багъа-башариялъ рахъ кколел акциял улкаялда халат рахъунел руго чанго анкьалъ. Гьеб заманаялда жанир рахъазда гьоркьор ккарал тунка-гIусиязда чIван вукIана нус-нус чи ва жанир тIамун рукIана исламистазул нухмалъиялъул чанго чи.
Демократиял рищиялги тIоритIун президентлъун вищун вукIарав Мурси рагъулаз хъулухъалдаса вахъун вукIана 3 июлалда. Хамиз къоялъ туснахъалъуса виччана гьесда цеве президентлъун вукIарав ва 2011 соналъул февралалда рехун вукIарав президент Хосни Мубарак.
XS
SM
MD
LG