МагъчIваялъе рес

Дамаскалда сверун рагъал халат рахъунел руго


Syria -- Smoke above buildings following what Syrian rebels claim to be a toxic gas attack by pro-government forces in eastern Ghouta, on the outskirts of Damascus, August 21, 2013
Сириялъул армиялъ кьвагьулеб буго Дамаскалда гIоркьехун ругел бакIазде. Оппозициялъул баяназда рекъон, арбагI къоялда гьениб гьез хIалтIизабун букIана химикияб ярагъ. Президент Башар Асадиде данде ругез рикIкIунеб буго химикияб гьужумалъул къурбаназул къадар 140ялдаса 1300ялде бахине рес бугин. Британиялда бугеб Сириялъул инсанасул ихтиярал цIуниялда сверун централъ лъазабулеб буго Дамаскалдаса машрикъалъул рахъалдехун ругел мухъазде ракетаби кьвагьулел ругин пачалихъиял аскаразин. Президент Асадица ва гьесул хIукуматалъ нахъ чIвалел руго химикияб ярагъ хIалтизабиялъул гIайибал.
Цолъарал Миллатазул ГIуцIиялъул ХIинкъигьечIолъи цIуниялъул Щураялъ рикIкIунеб буго химикияб ярагъ хIалтIизабиялъул харбазул хехго цIех-рех гьабизе кколин, амма гьелъ мухIкан гьабичIо гьеб лъица гьабизе кколебали. Туркиялъул къватIисел ишазул министр АхIамад Давдоглуца абуна Сириялда ахIвал-хIал кутакалда хIалуцунеб бугин ва бицен гьабулеб Щура гьес какулеб букIана Дамаскалде данде санкциял гьарулел гьечIилан абун.
XS
SM
MD
LG