МагъчIваялъе рес

Инсанасул ихтиярал цIунулез ахIи балеб буго интеллигенциялде


Россиялъул инсанасул ихтиярал цIунулезул къукъаялъ хитIаб гьабулеб буго интеллигенциялъул вакилзабазде улкаялда мигрантазде данде бугеб истерия чIезабизелъун гьоркьоре лъугьаян.
Авторазул пикруялда, дунялалъулго берда цебе Россия сверулеб буго гьоркьохъел гIасрабазул пачалихъалде ва гьеб киналъулго гIайибияллъун рихьизарулел руго жалго къурбанал. Россиялъул жамгIият цIалеб буго (цитата) «гражданияб рагъ гьабун гурони рорчIулареб рокьукълъиялъул хьуцIцIилъе». Гьедин лъабулеб буго инсанасул ихтиярал цIунулез.
Лидия Графовалъ, Людмила Алексеевалъ, Сергей Ковалёвас, Светлана Ганнушкинаца ва Арсений Рогинскияс гъоркь гъулбасал лъураб гьеб кагъат кьун буго «Эхо Москвы» радиоялъул ва «Новой газетаялъул» сайтазда.
XS
SM
MD
LG