МагъчIваялъе рес

Америкалъе рекIее гIечIо Эрдогъанил лъазаби


Цолъарал Штатаз кьварун какана Туркиялъул премьер Ражаб Эрдогъанил лъазаби. Гьес абун букIана Мисралъул демократияб куцалда вищарав президент МухIамад Мурси реххиялъул гIайиб Израилалда бугин. ХъахIаб Рукъалъул вакил Джош Эрнстил рагIабазда рекъон, Эрдогъанил лъазаби битIараб гьечIо, гьелъие киналгIаги далилалги гьечIо.
Эрдогъаница жиндирго лъазаби гьабун букIана талат къоялда жиндир партиялъул рахъ кколезулгун букIараб данделъиялда. Гьес абун букIана 3 июлалда Мурси рехарал мисралъул рагъулазда нахъа Израиль букIанин.
The Jerusalem Post абулеб израилалъул газетаялъ кьолел руго улкаялъул къватIисел ишазул министр Ихаль Палморил рагIаби. Гьес абулеб буго Эрдогъанил лъазаби нонсенс бугин ва гьеб комментариязегицин мустахIикъабги гьечIин.
XS
SM
MD
LG