МагъчIваялъе рес

Сириялда пачалихъиял аскараз химикияб ярагъ хIалтIизабунин лъазабулеб буго оппозициялъ


Британиялъ ва ГIарабазул улкабазул Лигаялъ Цолъарал Миллатазул ГIуцIиялъул инспекторал ахIана сириялъул оппозициялъул лъазабиязда рекъон, хIукуматалъул аскараз химикияб ярагъ хIалтIизабурал мухъазде щвезе.
Сириялъул оппозициялда лъикIаблъун бихьулеб буго Цолъарал Миллатазул ГIуцIиялъул ХIинкъигьечIолъи цIуниялда сверун Щура ахIизе. Оппозициялъ лъазабулеб буго Дамаскалде гъоркьехун нусгогIан чи хванин загьруяб газ жаниб букIараб ракетаби гьезде кьвагьараб мехалдайин.
Сириялъул нухмалъиялъ нахъчIвалел руго оппозицилъул лъазабиял.
Сириялъул пачалихъияб телевидениялъ лъазабуна оппозициялъ ургъунго рицунел жал ругин гьел харбал Цолъарал Миллатазул ГIуцIиялъул инспекторазул кIвар цогияб рахъалдехун буссинабизелъун. Гьезин абуни цIех-рех гьабизе кколин 19 марталда рагъулаб оппозициялъ Хан-аль-Асаль шагьаралда химикияб ярагъ хIалтIизабиялъулин. Сириялда гражданияб рагъ унеб бугелдасан 30 моцI гIолеб буго.
XS
SM
MD
LG