МагъчIваялъе рес

ЦинтIаго цIикIкIун буго Сириялдаса ГIиракъалде лъутулезул къадар


Ахирисеб чанго къоялда жаниб Сириялдаса ГIиракъалде лъутун вуго 15 азарго чи. Цолъарал Миллатазул ГIуцIиялъ лъазабулеб буго улка тун лъутулезул къадар цинтIаго цIикIкIанин хамиз къоялдаса шамат къоялде ва аслияб къагIидаялда гIадамаз рагъдаса хвасарлъизе бакIал ГIиракъалъул Курдазул автономияб ракьалда балагьулеб бугин.
Щай цинтIаго гIадамаз Сирия тарабали жеги мухIканго лъалеб гьечIо. Щаклъи буго гьеб территориялда рагъал гIасилъиялда. Жидер улкабаздаса лъутаразул суалазда сверун Цолъарал Миллатазул ГIуцIиялъул идараялъул вакил Клэр Буржуал рагIабазда рекъон, ГIиракъалъулгун гIорхъода бугеб гьеб бакIалда лъутаразул гьедигIан гIемераб къадар киданиги бихьун букIинчIо тохалчагIазда.
ГIиракъалда гьанже вуго Сириялдаса лъутарав 150 азарго чи. Сириялда рагъ унеб 29 моцIалда жаниб гьениса Иорданиялде, Туркиялде ва Ливаналде лъутаразул гIаммаб къадар кIиго миллионалде гIагарлъулеб буго.
XS
SM
MD
LG