МагъчIваялъе рес

Пан Ги Муница Мисралъул тIалъи какана


Мисралъул хIукуматалъ дандбалеб буго политикияб кризизалъукьа рорчIизе рес батиялъул суал.

Заманалъ премьер-министрасул ихтиярал тIуралев Хазем эль-Беблавица цебе лъолеб буго улкаялда «Вацал-бусурбаби» абулеб багъа-бачариялъул хIаракатчилъи гьукъиялъул суал.

ГьатIан къоялъ Мисралда жеги анцI-анцI чи ккун вуго, аслияб къагIидаялда гьел ккола рехсараб багъа-бачариялъул церехъаби.

ГIаммаб къадаралда гьал къояз ккун вуго «Вацал-бусурбабаби» багъа-бачариялъул азаргогIан чи. Низам цIунулезул ракIалда буго 250 чиясде гIунтIизабизе чIвадариялъул ва терроризмалъул гIайиб.

Цолъарал Миллатазул ГIуцIиялъул Генералияв секретарь Пан Ги Муница тIалаб гьабулеб буго Мисралда халат бахъунеб зулмуялъе ахир лъей.

Полициялъ демонстрантазде данде хIалтIизабураб къуват гьес рикIкIана гIорхъолъа борчIараблъун, амма цого мехалъ демонстрантаздеги гIунтIизабуна зулму гьабиялъул гIайиб.
XS
SM
MD
LG