Кэмероница Сочиялъул Олимпиадаялде данде чIун гьечIо

Британиялъул премьер-министр Дэвид Кэмероница Твиттералда лъазабуна жив Сочиялъул Олимпиадаялъе бойкот гьабиялде данде чIолев вугин.

Гьеб буго ингилизазул хъвадарухъан Стивен Фрайица бараб ахIиялъе премьер-министр Кэмеронил жаваб.

Гьалкъояз Стивен Фрайица Халкъаздагьоркьосеб Олимпиялъул комитеталде вуссун ахIи бана Сочиялда 2014 соналда букIинесеб Олимпиада нахъе бахъеян абун.

Жиндирго интернет-сайталда загьирабураб кагътида хъвадарухъанас ракIалде щвезабулеб буго 1936 соналда нацистазул Германиялда букIараб Олимпиада.