МагъчIваялъе рес

Обама: Росиялъулгун гьоркьобакIалъе цIияб къимат кьезе ккола


Рузман къоялъ тIобитIараб жиндирго пресс-конференциялда Цолъарал Штатазул президент Барак Обамаца жавабал кьуна россиялъулгун-америкалъул бухьеназда хурхарал суалазе.

Гьес абуна Владимир Путин Кремлялде тIад вуссун хадусала Россиялъул рахъалъан америкалде данде бачунеб риторика цIикIкIанин. Ва гьеб бугин цIорол рагъул заманалъул стереотипазда релъараб.

Аралде гуреб букIинеселде балагьизе кколин абураб Владимир Путиниде бараб ахIиялъ цо гуреб магIнаялъул хIасил кьун буго.

Барак Обамаца мисалалъе бачана америкалъул вукIарав хасав хъулухъчи Эдвард Сноудение Россиялъ чIей гьабизе кьураб изну.

РакIалде швезабизин – Сноуден ватIаналда хиянатчилъун рикIкIунев вуго.

Барак Обамал хIисабалда заман щун буго Росиялъулгун Америкалъул гьоркьобакIалъе цIияб къимат кьун, кIиябго улкаялъе пайдаяб хIукму гьабизе.
XS
SM
MD
LG