ТIалибан багъа-бачариялъули Апгъанистаналъул президент ХIамид Карзаилги вакилзабаз балъгоял кIалъа-басаял тIоритIулел руго маслигьаталде нух батиялъул суалгун гьоркьоб.
Апгъанистаналъул Ракълил ТIадегIанаб Шураялъул официалияв вакилас Эркенлъи радиоялъе лъазабухъе гьединал кIалъа-басаял байбихьанин улкаялда жанирги къватIисеб рахъалдаги.
Гьеб хIужа Associated Press агентлъиялъе дурус гьабуна Катаралъул тахшагьар Дохаялда бугеб ТIалибан-багъа-бачариялъул вакиллъиялъги.